ఏపీలో వైద్య పోస్టుల భర్తీకి ఆన్లైన్ కౌన్సెలింగ్

ఆంధ్రప్రదేశ్‌లో ప్రాథమిక ఆరోగ్య కేంద్రాలు (PHCs), బోధనాసుపత్రుల్లో ఖాళీగా ఉన్న వైద్యాధికారులు, ట్యూటర్ల పోస్టుల భర్తీకి తొలిసారిగా ఆన్లైన్ కౌన్సెలింగ్ నిర్వహిస్తున్నట్లు రాష్ట్ర వైద్యారోగ్య శాఖ మంత్రి సత్యకుమార్ యాదవ్ తెలిపారు.
మొత్తం 611 పోస్టుల భర్తీ కోసం అభ్యర్థుల నుండి సోమవారం ఉదయం 11 గంటల నుంచి మంగళవారం సాయంత్రం 6 గంటల వరకు ఆప్షన్‌లు స్వీకరిస్తామని పేర్కొన్నారు.ఈ విధానం ద్వారా నియామక ప్రక్రియను పారదర్శకంగా, వేగంగా పూర్తి చేయాలని ప్రభుత్వం లక్ష్యంగా పెట్టుకుంది.