డీసిల్టేషన్ పనుల పరిశీలన.

వినుకొండ: పట్టణంలో వర్షాకాలాన్ని దృష్టిలో పెట్టుకొని పురపాలక సంఘం డీసిల్టేషన్ పనులను వేగవంతం చేసింది. ఈ పనులను మునిసిపల్ కమిషనర్ శివరాం ప్రసాద్, శానిటరీ ఇన్స్పెక్టర్ ఇస్మాయిల్ శుక్రవారం పరిశీలించారు.ఈ సందర్భంగా వారు మాట్లాడుతూ, రాబోయే వర్షాల సమయంలో రహదారులు, లోతట్టు ప్రాంతాలు జలమయం కాకుండా నివారించేందుకు ముందస్తు చర్యలు తీసుకుంటున్నట్లు తెలిపారు. పట్టణంలోని ప్రధాన డ్రైనేజీలలో పేరుకుపోయిన మట్టిని తొలగించి నీటి ప్రవాహాన్ని సాఫీగా కొనసాగించేలా చర్యలు చేపట్టినట్లు తెలిపారు.నిల్వ నీరు వల్ల దోమల పెరుగుదలను అరికట్టేందుకు ఈ పనులు కీలకంగా ఉంటాయన్నారు.పట్టణ ప్రజలకు ఎలాంటి ఇబ్బందులు కలగకుండా అన్ని ప్రధాన కాల్వల్లో డీసిల్టేషన్ పనులు కొనసాగుతున్నాయని కమిషనర్ స్పష్టం చేశారు.