అప్రకటిత విద్యుత్ కోతలు,ప్రజలకు తీవ్ర ఇబ్బందులు | localnewstelugu | vinukonda

పల్నాడు జిల్లా : వినుకొండ పట్టణంలో గత నాలుగు రోజుల నుండి విధిస్తున్న అప్రకటిత విద్యుత్ కోతలు  తీవ్ర ఇబ్బందులకు గురిచేస్తున్నట్లు ప్రజలు వాపోతున్నారు.ఎండాకాలం తీవ్రత రోజురోజుకు పెరుగుతున్న నేపథ్యంలో విద్యుత్ అంతరాయం తో మరింత ఇబ్బందులు పడుతున్నామంటున్నారు. పగటి వేళల్లో మండే ఎండతో, రాత్రి సమయాల్లో కూడా విద్యుత్ లేకపోవడంతో చిన్నారులు, వృద్ధులు అవస్థలు పడుతున్నట్లు పేర్కొన్నారు. కుటుంబాలు గాలి కోసం ఆరుబయట గడపాల్సి వస్తోందని,నిరంతర విద్యుత్ సరఫరా లేకపోవడం వల్ల నిద్రలేమి సమస్యలు కూడా తలెత్తుతున్నట్లు ఆవేదన వ్యక్తం చేస్తున్నారు.విద్యుత్ సరఫరాను క్రమబద్ధీకరించాలని పట్టణవాసులు కోరుతున్నారు. ఎండాకాలాన్ని దృష్టిలో ఉంచుకుని నిరంతర విద్యుత్ సరఫరా అందించేలా చర్యలు తీసుకోవాలని విజ్ఞప్తి చేస్తున్నారు.