వినుకొండలో రేపు విద్యుత్ అంతరాయం…

ఎపీసీపీడీసీల్ అధికారులు వినియోగదారులకు కీలక సమాచారం అందించారు. వినుకొండ టౌన్ పరిధిలో నూతన 33 కేవీ విద్యుత్ లైన్ ఏర్పాటు పనులు చేపడుతున్న నేపథ్యంలో రేపు, ఏప్రిల్ 7వ తేదీ మంగళవారం విద్యుత్ సరఫరా నిలిపివేయనున్నట్లు తెలిపారు. రజక కాలనీలోని ఎస్‌ఎస్-3 సబ్ స్టేషన్ నుంచి తిమ్మాయపాలెం రోడ్డులోని ఎస్‌ఎస్-2 సబ్ స్టేషన్ వరకు ఈ పనులు కొనసాగనున్నాయి. దీంతో నవాజ్ కుంట, పెద్ద బోరింగ్ సెంటర్, బోసు బొమ్మ సెంటర్, ఇసుక వాగు బజార్, కొండమెట్ల బజార్, కోటనాల్సా బజార్ ప్రాంతాల్లో ఉదయం 8 గంటల నుంచి మధ్యాహ్నం 2 గంటల వరకు విద్యుత్ అంతరాయం ఉంటుంది. ఈ నేపథ్యంలో ప్రజలు ముందస్తు జాగ్రత్తలు తీసుకుని విద్యుత్ శాఖకు సహకరించాలని అధికారులు సూచించారు.