అభివృద్ధిని కాంక్షిస్తూ లక్ష్మీనరసింహస్వామి దేవస్థానంలో పౌర్ణమి పూజలు.

పౌర్ణమి సందర్భంగా శ్రీ రాజ్యశ్యామలాదేవి అమ్మవారి మహా యజ్ఞ కార్యక్రమాన్ని ఘనంగా నిర్వహించారు.

నిత్యాన్నదాన సేవకులు జాజుల మాల్యాద్రి ఆధ్వర్యంలో, ఆలయ మహిళా సేవకుల సమన్వయంతో మూడు హోమ మండపాల్లో 13 మంది దంపతులు సామూహిక యజ్ఞంలో పాల్గొన్నారు.

ముఖ్య అతిథిగా మున్సిపల్ కమిషనర్ కోడూరి శివరామ ప్రసాద్ హాజరై పూజలను ప్రారంభించారు.

కొండపై దేవస్థాన అభివృద్ధి, ఘాట్ రోడ్, గిరిప్రదక్షిణ మార్గ పనులు సజావుగా సాగాలని సంకల్పంతో యజ్ఞం నిర్వహించినట్లు తెలిపారు.

ఈ కార్యక్రమానికి గుంటూరు, నరసరావుపేటతో పాటు స్థానిక మహిళా భక్తులు పెద్ద ఎత్తున పాల్గొన్నారు.