మదమంచిపాడు ఆంజనేయ స్వామి తిరుణాలలో ప్రభుత్వ చీఫ్ విప్ జీవీ ప్రత్యేక పూజలు.

వినుకొండ మండల మదమంచిపాడు గ్రామంలో శ్రీ ఆంజనేయ స్వామి వారి తిరుణాల మహోత్సవంలో ప్రభుత్వ చీఫ్ విప్ జీవీ ఆంజనేయులు స్వామివారిని దర్శించుకుని ప్రత్యేక పూజలు నిర్వహించారు. ఆలయ ప్రాంగణానికి చేరుకున్న జీవీ కి ఆలయ కమిటీ సభ్యులు, గ్రామ పెద్దలు,అర్చకులు పూర్ణకుంభంతో ఘన స్వాగతం పలికారు.స్వామివారికి జరిగిన ప్రత్యేక అభిషేకాలు, పూజా కార్యక్రమాల్లో పాల్గొన్న ఆయనకు అర్చకులు వేదాశీర్వచనం అందించి, స్వామివారి శేషవస్త్రం, ప్రసాదాన్ని అందజేశారు. శివశక్తి లీలా అంజన్ ఫౌండేషన్ ఆధ్వర్యంలో భక్తులకు పులిహోర పంపిణీ చేశారు. జి.డి.సి.సి బ్యాంక్ చైర్మన్ మక్కెన మల్లికార్జున రావు,నాయకులు, కార్యకర్తలు తదితరులు పాల్గొన్నారు.